Тааруухан

Нэг найз маань үсээ буджээ.
- Ямар болж, арай дэндүү шар болчиж уу?
- Үгүй ээ, тааруухан л байна ш дээ, гэж би хариулав.
- Таарууха-ан? Онцгүй бн уу тээ. Найз маань гомдсон янзтай дуугарч бн.
- Үгүй ээ, харин яг "тааруухан" л бн гэж би хэлсэн ш дээ.
Хажуунаас бас нэг найз маань ярианд оролцож
- Үгүй ээ, наадах чинь "яг таарчээ" л гэж хэлээд бгаам бхгүй юу. Би бол ойлгож бн. Гэхдээ онцгүй таарамжгүй гэхийг чи юу гэж хэлэх вэ
- "Тааруухан" ... л гэж хэлэх юм бн гэж би хариулав. Өгүүлбэрийнхээ утгаар ойлгоно.
"За даа, наадах чинь тааруухан эд бн даа" гэвэл эсрэг утгаар
"Яг тааруухан бн" гэвэл эерэг утгаар хэлж бгаа гэж ойлгоно. гэж би тайлбарлав.
Гэхдээ тайлбарлаж бх явцдаа би өөрөө бас эргэлзэж орхилоо... Би ганцаараа буруу хэрэглэдэг юм болуу...
Дараа нь ээжтэй ярьж бгаад
- Ээж, энэ шөл давс нь бага бн уу?
- Үгүй, миний хүү "тааруухан" бн. гэж бн. Хэхэ ээж ингэж ярьдаг болохоор би тэгж ярьдаг юм бн.
Хүмүүсээс асуугаад бхнаа Баянхонгорчууд ингэж хэрэглэдэг бололтой.
Ийм газар нутгийн онцлогтой болон нэг үгээр эсрэг утга илэрхийлдэг үг бн уу? (зөндөө бгаа бх л даа :) )

Хүмүн төрөлхтөн болоод төмөр зам

Сайн байцгаана уу
Юм бичилгүй зөндөө удчихаж... Бичих юм олдохгүй бсан гэхүүдээ. тэгсэн нэг юм саналаа.


Энэ дууг нэг сонсдоо. Аялгуу нь танил байгаа биз?
Яг тэр чигээрээ Хүмүн төрөлхтөн. Шинагава эки дээр сонсогддог доо. Анх сонсчоод манай Хүмүн төрөлхтөн яахаараа энд давхиж явдаг билээ гэж бодсон чинь, уг нь бол Японы Төмөр замын сүлд дуу гэнэ.
тэрийг чинь хэзээний мэднээ гэж үү? хэхэ
Мэйжи үед зохиогдсон, 334 бадагтай 1987 он хvртэл Японы хамгийн урт дуу бсан гэнэ.
ганц Монгол биш Солонгост бол Оюутны сүлд дуу болсон гэх мэт Aзиар нэг тарсан бололтой. Японы байлдан дагуулал(?)аар тарсан юм болуу, манайд бол манжаар дамжиж орж ирсэн бх...

Хата ~ !

Хата Мотохиро. 秦基博　
Энэ дуучинд би бас дурлачхаад бгаам.
видео оруулж сурсных, японоос дуртай дуучнаа бас дурдаад орхиё гэж...
Ноднин зунаас хойш нэлээн сонсч бн даа энэ нөхрийг. сонин сэтгэлгээтэй түүнийгээ илэрхийлэх үнэхээр гайхалтай хоолойтой.

эхнийх нь 鱗 үроко. миний анх дурласан дуу. караокед заавал дуулдаг.
дараагийнх нь シンクロ synchro. анхныx нь сингл. бас янзтай дуу. ялангуяа 3р бадаг хавьцаа
…君のその胸の鼓動と　
僕の胸のざわめきが
響いて響きあって
　同じもののように
　まるで同じもののようにシンクロするよ… гэдэг хэсэг нь ... ёо бүр хамаг юм хөдөлгөөд хаячдаг юм.

Maroon5

Maroon5 live in Budokan
а-үү :) хэхэ гоё байсан шүү.
эхэнд нь Soft гэнэ үү найзууд нь ч юмуу мэдэхгүй хэдэн гар гарч ирж 30 минутыг аваагүй бол бүр 100% ийн тоглолт болох байлаа. гэхдээ зүгээрээ
Maroon5 сүүлийн үед (2,3 жилийн өмнө гарсан цагаасаа л даа)　миний дотор хит болоод байгаа хамтлаг. ер нь би гэдэг хүн нэг хамтлаг хүнийг ийм тууштай дэмжиж байсангүй. гоё дууг нь сонсоод л бусдыг нь ерөөсөө огт мэддэггүй л явлаа. Maroon5 г бол бүх дууг нь мэднэ гэж байгаа.
ойрд хамгийн дуртай нь Won't go home without you. Сонсогтий.




бас үүнийг сонсогтун. эхэн үейинх нь уран бүтээл бх. хүмүүс тэр бүр мэддэггүй.
хачин гоё дуу! I woke up thoughts of you tattood to my mind... гэдэг үг нь ёстой янзтай.

Үгэн тоглоом 言葉遊び

Энэ япончууд үгээр тоглохыг харин ч нэг сайн чадаад байгаа юм шиг санагддаг юм. Энэ нь бүр эртний уламжлалтай.
洒落／駄洒落(шарэ/дажарэ) гэж сүрхий юм байна. Адил дуудлагатай өөр утгатай үгээр тоглохыг хэлнэ. 汚職事件／お食事券　（ошокүжикэн） авилгын хэрэг, хоолны урилга 2 адил дуудлагатай. Үнэтэй зоогийн газар дайлуулаад үгүй гэж хэлж чаддаггүй албан тушаалтан энд ч бас байдаг гэсэн үг...
иймэрхүү тоглоомыг гэхдээ залуу хүмүүс нь жаахан хуучин гэж үздэг. Ояжигягү (おやじギャグөвөөгийн gag) гэнэ.
　Тоогоор бас сайн тоглоно. гороавасэ 語呂合わせ гэдэг. （Тоогоор үг бүтээх. ）
11сарын 22. Сайн эхнэр нөхрийн өдөр.　いい夫婦の日。 Учир нь 1нь и , 2 нь фү => ии фү-фү сайн гэр бүл гэсэн үг болно. супермаркэтүүд 29нийг Махны өдөр гэнэ. 2 ни гэсэн дуудлагатай 9 кү , тэгээд （肉）никү гэдэг ни мах гэсэн үг. Хэхэ хөөрхөн байгаа биз.
Аливаа зарлал сурталчилгааны утасны дугаар ийм байдлаар цээжлэхэд дөхөмтэй болгосон байдаг. 0120-117-117 даатгалын утас. 0120 нь free dial. 117 г нь иина гэж уншина. иина иина, гэхээрээ гоёо гоёо гэсэнэрхүү утга юмуу даа. Хувь хүн хүртэл сүүлийн үед үүнийг ашигладаг болж, гар утасны дугаараа өөрийнхөө нэрэнд тааруулж худалдаж авдаг хүн ч байдаг гэнэ.
　Сайто Рэйна гэж хүн бол 3110-07 ч юмуу. 3- са (сан) 1- и, 10- то , 0- рэй, 7 -на
Бас түүхийн шалгалтын он цээжлэхэд энэ арга өргөн хэрэглэгдэнэ.
鳴くよ鶯平安京накүё үгүйсү Хэйанкё (алтан гургалдай дуулна) 794 онд Хэйанкё ордон баригджээ.
いい国作ろう鎌倉幕府　иикүни цүкүро Камакура бакүфү (сайн улс байгуулъя) Камакурагийн засаглал 1192онд тогтжээ. гэх мэт
Шекспирийн төрсөн оныг ч 1564-1616 人殺しいろいろ　хитогороши иро иро (алуурчин янз янзаараа) гэж цээжилж болно.
　Зарим цээр энэ гороавасэ гэдгээс үүдэлтэй байдаг. Япончууд 4, 9 тоонд дургүй нь 9 кү 苦зовлон гэдэгтэй адил дуудагдаг учраас, бас 4 ши 死үхэл гэдэгтэй адил учраас.
西向く士　ниши мүкү самурай , 2,4,6,9,11. 31ээс цөөн хоногтой сарыг цээжлэх арга. 2ни 4си 6мү 9кү нь ойлгомжтой. самурай　 士　гэдэг үсгийг 十　、　一　 гээд задалчихвал 11 болж бгаа юм.
Хүний нэрэнд бас иймэрхүү тоглоом байна. 四月一日　Ватанүки гэж овог байна. 4сар1 гэж бичээд Ватанүки гэж уншина. Ватанүки гэдэг нь хөвөн сугалах гэсэн үг. Дээр үейин япончууд нэг кимоног өвөл зунгүй өмсдөг байж. Өвөл нь хөвөн зулж, дулаарахаар өөрөөр хэлбэл 4сарын 1нд хөвөнгөө авдаг, үүнээс үүдэлтэй гэнэ.
эцэст нь 「春夏冬中」 акинай (商い中　ажиллах, үйл ажиллагаа явуулах　"open" ) хавар зун өвөл , 4 улирлын намар(аки) нь бхгүй (наи). Дээр үед зарим хоолны газар гаднаа ингэж бичиж тавьдаг байсан гэдэг. бас акинай гэдэг нь уйдахгүй（飽きない） гэдэг утгатай учраас билэгшээдэг ч гэдэг. энэ удаа иймэрхүү, өөр сонирхолтой үгэн тоглоом байвал хэлээрэй.

Өнгө ...

Blue man in Tokyo гэж байнаа даа. Үзээд, урлаг/art гэж ер нь юу юм бол гэж жаахан бодов. Эхлэл нь их сүртэй. Цаас эргүүлж байгаад пүү гээд л будаг цацахаар өнгө өнгийн дугуй үүснэ. Зүгээр л бийрээр зурвал тийм дурс яагаад ч үүсэхгүй дээ. Тэгснээ бөмбөр дугараад л бас өнгө өнгийн будаг үсчээд л сүртэй. Үзэгчдийг татаж оролцуулахдаа ч сайн. Би хүртэл оролцоод авсан. Шоколадны хайрцаг эргэн тойрондоо мэдэгдэхгүйгээр өвөр дээрээ тавьчих. Өөрсдөө чамайг олоод очиж авна, гэв. Хэлснээр нь болов. Хайрцганд чихэр байж, тэрийг миний ард сууж байсан хүнээр шидүүлээд амаараа тосож авна гэнэ. Нэг нь тэрэндээ мэргэжлийн! Тэгсэн чинь миний пальтонд нөхөр гарынхаа цэнхэр будгийг бяцхан нялаад орхисон байдаг байгаа. Даанч тоглолт дуусаад бүүр нөгөөдөр нь анзаарсан. Эртхэн мэдсэн бол хими цэвэрлэгээний мөнгө өг гэж шаардахгүй юу! Тоглолт үргэлжлээд.. бөмбөрөө болиод бүр муу усны хоолой янз бүрийн юмаар хөгжмийн зэмсэг хийгээд галзуурч гарч байнаа. Гэвч яваандаа би уйдаад эхлэв. Жаахан нэг хэв маягийн гэхүү, эхлэлд мэдэрсэн шок тэр чигтээ үргэлжилсэнгүй... Төгсгөлд нь баахан цаас дамжуулах хэрэг гарав. Надад бол бөөн ядаргаа санагдав, зарим хүн тэгсэн их хөгжилтэй бх шиг байнаа. Урлаг ойлгодог хүмүүс шал өөр юмаа, хэхэ.

тэгээд л гарч ирээд бодов... хүмүүсийн лаг урлаг гээд хийгээд бгаа юм ер нь хийсэн юмандаа биш тайлбартаа байгаа юм шиг. Марсэл Дюшан шаазан жорлонд Булаг гэж нэр өгч гарын үсэг зурчихаад энэ бол урлагийн бүтээл гэж зүтгэсэн шиг,,,, (Marcel Duchamp "Fountain" ХХзууны хамгийн шокинг бөгөөд нөлөөтэй урлагийн бүтээлээр шалгарсан гэдэг) ТВ-р, НюБо гээд хятадын зураач гарч байна. Жингүйдэлд зураг зурсан гэнэ. Онгоцоор хөөрөөд гэнэт доошлох параболын дээд цэгт хэсэг хугацаанд жингүйдэл үүсдэг гэнэ. Тэр хугацаанд амжиж баахан бөмбөлөгтэй будаг хагалж, тэр нь хананд тогтоосон цаасанд наалдаж, заримийг нь зураач өөрөө ууж...

(NiuBo "The Zero-Gravity Project", 1993)

Бөөн арвайж сарвайсан будаг л байна. Заваанхан шиг зураачийн урлангийн шал лав энэнээс дутахгүйдээ гэхээc өөр гайхалтай энэ тэр гэсэн сэтгэгдэл төрсөнгүй. Яая, надад ямар ч уран сэтгэмж алгаа!

Толгой уул

Yamamura Animation гэдэг студийн богино хэмжээний хүүхэлдэйн кинонуудыг үзэв. Үзэв ч гэж аль 12сард л даа. Тиймээс одоо кинотеатруудад байхгүй байх. Хаа нэгтээ тааралдyл үзэхэд гэмгүй.Сэдэв нь ч зураглал бичилт нь ч их сонирхолтой.
Толгой уул （頭山）гэдэг нь японы эртний ракүго (落語хошин яриа?) гэнэ. Тэр эртний зохиолд ийм сюррализм байж гэж бодохоор гайхалтай! Нэгэн эр интоор жимс （さくらんぼ）идэхдээ хайран санагдаад үрийг нь хамт идчихжээ. Тэгтэл толгой дээрээс нь сакура ургаад эхэлж, бүр гоё цэцэг дэлгэрээд, хүмүүс цэцгийг нь үзэх（花見） гэж цугладаг болжээ. Ууж идэж наргиж цэнгэж, сүүлдээ согтуурч хашгирч шуугиад болохгүй болохоор нь өнөөх эр залхаад сакура модыг булга татаж орхитол томоо гэгчийн нүх үлдчихэв. Түүнд нь борооны ус хурж цөөрөм бий болоод дахиад л загас барих гэсэн хүмүүс шаагилдаж эхэлвээ. Тэгтэл нэг загасчны шидсэн дэгээ өнөөх эрийн хамарт тээглэж их өвдсөндөө, өнөөх эр тэсч чадалгүй толгой дээрх цөөрөмдөө үйж үхэв ээ.

Хэрэгтэй хэрэггүй юм цуглуулаад хаяж чаддаггүй хүнд сургамжтай үлгэр юм шиг. Өөр элдэв санаа байгаа л байх. Recycle　гээд янз бүрийн юм дахиж боловсруулаад л байдаг, тэр нь шинээр хийснээс үнэтэй болж таардаг ... гэх мэт орчин үейин нийгмийн асуудлыг егөөдсөн ч юм шиг...

Бас нэг сэтгэлд тод үлдсэн нь Хөгшин матар（年をとった鰐）.

Ганцаардлыг, хүний ховдог шунахайд хязгаар үгүй гэдгийг үнэн зэвүүнээр үзүүлсэн. Уг нь L´eopold Chauveau гэдэг хүний Old Crocodile　гэж Хүүхдийн ном! гэсэн. Хэхэ би багадаа ийм ном уншиж байсан бол одоо философч байх байсан байхаа :) Бага байхад үлгэр домог, дандаа л гэнэн цайлган, нэг л гэрэл гэгээтэй мөрөөдсөн юм уншиж өссөн. Тэр ч хэмжээгээрээ бөөн утопи л хөвж явдаг байсан. Хүүхдийн ном гэхээр л монголд тийм юм байдаг, гэтэл иймэрхүү хэрсүү номыг хүн багаасаа уншиж өөрийгөө олж авах хэрэгтэй юм шиг. За тэр хадуурах яахав.

Энэ матар яадаг гээч:

Нэгэн матар хөгшрөөд ревматизмд баригдаж ан гөрөө хийж чадахаа байгаад өлсөхийн эрхэнд ач зээ нараа иддэг болчихжээ. Үр сад нь үүнийг мэдээд алахаас өөр аргагүй гэж шийдсэнийг мань хашир мэдээд гол руу зугатаж, хөв хөвсөөр далайд орж, тэнд нэгэн сайхан сэтгэлт наймаалжтай тааралдав. Наймаалж найман хөлтэйгээрээ, тэднийгээ нэгд нэгэнгүй тоолж чаддагтаа их бахархана. Тэр 2 нэгэн бяцхан арал олж суугаад, наймаалж загас сэлт барьж матрыг тэжээдэг болов. Шөнө болж 2ул унтаж байтал матар гэдэс нь өлсөөд сэрчихэв. Хоол олъё гэтэл олигтой хөдөлж чадахгүй, тэгтэл хажууд нb унтаж буй наймаалжны хөл зөөлхөн шүүслэг их л амттай харагдав. Энэ нээрээ тоо тоолж чаддаг болов уу, өглөө сэрээд нэг хөл нь дутчихсан байхыг мэдвэл намайг орхиод явчих бол уу гэж матар бодлоо. Гэсэн ч хоосон ходоодоо дийлж чадсангүй наймаалжны нэг хөлийг чимээгүйхэн таслаад гулгуулж орхивоо. Наймаалж өглөө сэрээд, хөлөө тоолж, нэг, хоёр, гурав ... найм байж л байна, хэрэв би тоо тоолж чаддаггүй байсан бол нэг нь дутчихсан юм шиг санагдаад байх байлаа шүү гэж хэлээд матарт хоол олж ирэхээр далай руу үсрэв. Үүнээс хойш матар наймаалжны тоо тоолж чаддаггүйг мэдэж шөнө бүр хөлийг нь нэг нэгээр нь идсээр, хөөрхий наймаалж чадал хүч нь доройтсоор... 8дахь өглөө мухар болсон биетэй наймаалж нүдээ нээгээд , миний хөлнүүд нэг л хөдөлж өгөхгүй байна, би тоо тоолж чаддаггүйсэн бол байхгүй байна л гэмээр, хоолонд явж чадахгүй нь, уучлаарай. гэж матарт хэлэв. Өдөржин юy ч идээгүй матар, сульдаж доройтсон наймаалж хоёр... шөнө болоход матар өлсгөлөндөө дийлдэж хичээж тэжээсэн гэнэхэн хонгор амрагийнхаа үлдсэн биейиг залгиад, нэгэн дусал нулимс унагав.

Алангуа , Моори Мотонари

анхны бичлэг... олж мэдсэн нэг сониноос эхэлье.
Алангуа 5 хөвгүүнээ дуудаж нэжгээд сум өгөөд, хугал гэвэл, бүгд амархан хугалав. Дараа нь Алангуа 5 сум багцлаад хугал хэмээн хөвгүүддээ өгвөөс хэн ч хугалж эс чадав. Алангуа өгүүүлрүүн: Энэ мэт ганц ганцаар бол амархан эвдэрнэ, багцалсан сум мэт хүчээ нэгтгэвээс амар үл дийлдмүй.
Тэгсэн энэ домог Японд бараг яг хэвээрээ тууж явдаг байна шүү.
Моори Мотонари(1497-1571) гэж ноён (даймёо) байжээ. Сэнгокү гэдэг японы түүхийн үед Акинокүни (одоогийн Хирошима муж) гэдэг аймгийн тэргүүн байсан хүн. Моори Мотонари үргэлж эвдрэлцэж байдаг 3 хөвгүүнээ дуудаж, сум хугалуулан үзүүлээд эв нэгдэлтэй байхыг сургамжилжээ гэсэн домог байна. Алангуагийн домогтой адилхан. Их сонин шүү.

Мэндчлэх нь

Үзсэн кино уншсан ном, японд сурдгийн хувьд япончуудын талаар японтой харьцуулаад монголчуудын талаар элдэв янзыг эрээчиж стрэсээ жаахан тайлъюу гэж блог ард түмэнд нэгэн бүл нэмэвээ.

Нэрний тухайд, тодорхой нэг сэдэвгүй тул ганц санаанд орж ирсэн багын хочоо урдаа барив. Жижигхэн нүдтэй гээд нэг найз маань өгч байсан энэ нэр цааш дэлгэрсэн ч юмгүй тэр бид 2ын дунд л үлдсэн байх даа. Бүр жаахан байхад садангийн маань ах жижигхэн хамартай гээд Буратино гэж хочилдог байсныг эс тооцон, үүнээс хойш над хоч гэж юм байсангүй, комунист хүүхэд байсан болохоор тэр юмуу бүү мэд ээ.